गोरखपुर रेल दुर्घट्नामा पत्रकारसहित दुई नेपालीको मृत्यु

गए राति भारतको दिल्लीस्थित साथीको विवाहमा जन्ती जाने क्रममा गोरखपुरमा रेल दुर्घट्नामा परि नेपाल पत्रकार महासंघ पर्सा शाखाको सदस्य सुवोध सिंहको मृत्यु भएको छ ।

घटनामा काठमाडौंका अभिशेष अग्रवालको पनि मृत्यु भएको छ । दुर्घटनामा परी गम्भीर घाइते भएका सिंह र अग्रवाललाई उपचार गर्न लैजादै गर्दा बाटैमा मृत्यु भएको हो ।

साथी विकास बोधराको विवाहको जन्ती जादै गर्दा सो दुर्घटना भएको थियो । पत्रकार सिंह वीरगंजको स्थानीय प्रतीक दैनिक, गढीमाई एफएम र राससको फोटोपत्रकारमा सम्बद्ध हुनुहुन्थ्यो ।