माओवादी नेतृत्वको सरकारलाई पनि सहयोग गर्ने प्रतिवद्धता

नेपाल भ्रमणमा रहेको विश्वबैंकको उच्चस्तरीय टोलीले आज माओवादी अध्यक्ष प्रचण्डसँग भेट गरेको छ ।

उक्त भेटमा टोलीले विश्वबैंकको उच्चस्तरीय टोलीले आगामी सरकारको नीति, कार्यक्रम र सहयोगका क्षेत्रवारे जिज्ञासा राखेको स्रोतले बताएको छ । टोलीले माओवादी नेतृत्वको सरकारलाई पनि सहयोग गर्ने प्रतिवद्धता जनाएको भेटमा सहभागी माओवादी नेता डा बाबुराम भट्टराईले जानकारी गराउनुभयो ।

सो क्रममा माओवादी अध्यक्ष प्रचण्डले माओवादीको प्रमुख एजेण्डा शान्ति, विकास र लोकतन्त्र भएकाले कुनै शंका नगरी नि:शर्त रुपमा सहयोग गर्न अनुरोध गर्नु भएको थियो ।