यचुरी र प्रचण्डबीच भेटवार्ता

नेकपा माओवादीका अध्यक्ष प्रचण्ड र भारतीय कम्युनिष्ट पार्टी मार्क्सवादीका पोलिटब्यूरो सदस्य सीताराम यचुरीबीच भेटवार्ता भएको छ ।

आज प्रचण्डनिवास नयाँ बजारमा भएको भेटवार्तामा अब बन्ने नयाँ सरकार र त्यसको गठन प्रक्रियाबारे छलफल भएको बुझिएको छ । भेटपछि संचारकर्मीसंग कुरा गर्दै यचुरीले नेपालको शान्ति प्रक्रियामा आफूहरुको सदभाव रहने बताउँदै माओवादीले सबैलाई साथ लिएर अघि बढ्ने विश्वास लिएको बताउनुभयो । उहाँले चुनावमा प्राप्त सफलताका लागि माओवादी नेतृत्वलाई बधाई दिएको समेत बताउनुभयो ।

उक्त भेटमा माओवादीका वरिष्ठ नेता डा.बाबुराम भट्टराई, मोहन वैद्य किरण, सीपी गजुरेल समेत सहभागी हुनुहुन्थ्यो ।

दुई दिने नेपाल भ्रमणमा आउनुभएका यचुरीले हिजो प्रधानमन्त्री गिरिजाप्रसाद कोइरालासँग भेटवार्ता गरि सक्नुभएको छ ।