सितल निवासलाई राष्ट्रपति भवन बनाउने तयारी

नेपाल सरकारले अहिलेको परराष्ट्रमन्त्रालय रहेको शितल निवासलाई राष्ट्रपति भवन बनाउने भएको छ । आज बसेको मन्त्रीपरिषदको वैठकले शितलनिवासलाई राष्ट्रपति भवन बनाउने निर्णय गरेको हो ।  

बैठकले  १५ दिनभित्र मन्त्रालय सार्ने निर्णय गरेको स्रोतले जनाएको छ । शितल निवासमा राष्ट्रपति भवन बनाउने भएपछि सरकारले नारायणहिटी दरबारमा रहेको सचिवालय भवनमा परराष्ट्रमन्त्रालय बनाउने तयारी सरकारले गरिरहेको छ ।

परराष्ट्र मन्त्रालयका सचिव ज्ञानचन्द्र आचार्यको टोलीले ४ दिनअघि नारायणहिटी दरबार परिसरमा रहेको सचिवालयको भवन हेरी मन्त्रालयका लागि उपयुक्त भएको निस्कर्षनिकालेको छ । परराष्ट्र मन्त्रलायका अधिकारीहरू मन्त्रालय नारायणहिटीमा सार्न तयारी अन्तिम चरणमा पुर्याएको स्रोतले जानकारी दिएको छ ।