इपीएस अन्तर्गत पहिलो पटक ५५ नेपाली कामदार दक्षिण कोरिया उडे

रोजगार अनुमति प्रणाली इपीएस अन्तर्गत पहिलो पटक आज ५५ जना नेपाली कोरियाका लागि उडेका छन् । श्रम तथा रोजगार प्रवर्द्धन विभागअन्तर्गत इपीएस शाखाका अनुसार कोरियाली भाषा परिक्षामा उत्तीर्ण भई सबै प्रक्रिया पुरा गरेका कामदारमध्ये ५५ जना आज कोरियाका लागि उडेका हुन् ।

उनीहरु सोमबार बिहानको नेपाल एयरको विमानबाट बैंकक हुँदै दक्षिण कोरियाका लागि उडेका हुन् । श्रम विभागका महानिर्देशक केशरबहादुर बाँनियाले भाषा परिक्षा उत्तीर्ण गरेका करिब १ हजार कामदारमध्ये करिब ६० जना भदौ २ गते जाने र बाँकी चाँडै जाने जानकारी दिनुभयो ।