एसएमएसमार्फत ट्राफिक जामको सूचना पाइने

राजधानीका सर्वसाधारणले अब एसएमएसबाट ट्राफिक जामको सूचना पाउने भएका छन् ।

सर्वसाधारणलाई ट्राफिक व्यवस्थापनबारे अग्रीम सूचना दिन ट्राफिक महाशाखाले आजबाट यस्तो सेवा प्रदान गर्न लागेको हो ।

एसएमएस सेवा वापत सर्वसाधारणले शुल्क तिर्नुपर्ने हुन्छ । ट्राफिक प्रमुख विष्णु प्रसाईका अनुसार सर्वसाधारणले एसएमएस गरी जानकारी लिए बापत संकलन हुने रकम एसएमएसको व्यवस्थापन गर्ने निजी क्षेत्र र ट्राफिक प्रहरी महाशाखाले आधा आधा लिने छन् ।

महाशाखामा जम्मा हुने रकम ट्राफिकको कल्याणकारी काममा खर्च गरिने पनि उहाँले बताउनुभयो । महाशाखाले निजी संस्थासँग सहकार्य गरी संचालन गर्न लागिएको सेवा भएकाले सर्वसाधारणले नेपाल टेलिकमबाट लिदै आएको एसएमएस सेवा भन्दा बढी शुल्क तिर्नुपर्ने बताइएको छ।