औद्योगिक विकासमा टेवा पुग्ने काम गर्ने प्रतिवद्धता

रुपन्देहीबाट संविधानसभा सदस्यका लागि निर्वाचितहरुले उद्योग र उद्योगीहरुलाई प्रोत्साहन मिल्ने संविधान बनाउने प्रतिवद्धता व्यक्त गरेका छन् ।

रुपन्देही उद्योग संघले शनिबार रुपन्देहीमा आयोजना गरेको स्वागत कार्यक्रममा उनीहरुले औद्योगिक विकासमा टेवा पुग्ने काम गर्न प्रतिवद्धता जनाएका हुन् । आर्थिक विकासविना देश सबल र आत्मनिर्भर नहुने र नयाँ नेपालको कल्पना गर्न नसकिने भन्दै उनीहरुले त्यसका लागि गम्भीर भएर लाग्ने बताए ।

कार्यक्रममा रुपन्देही उद्योग संघले औद्योगिक विकासका लागि अब बन्ने संविधानमा समावेश गर्न खुला सिमाना नियन्त्रण गर्नुपर्ने, दुर्गम क्षेत्रका उद्योगीहरुलाई प्रोत्साहन दिनुपर्ने, औद्योगिक क्षेत्रलाई शान्ति क्षेत्र घोषणा गर्नुपर्ने लगायत विभिन्न ३० वटा बुँदाहरु प्रस्तुत गरेको छ ।