प्रधानमन्त्री र सेनापतिबीच भेटवार्ता

प्रधानमन्त्री गिरिजाप्रसाद कोइराला र प्रधानसेनापति रुक्मांगत कटवालबीच आज भेटवार्ता भएको छ ।  आज बिहान ९ बजे बालुवाटार पुग्नुभएका प्रधानसेनापति कटवाल करिब आघा घण्टापछि फर्किनु भएको थियो ।

कटुवालसँगको भेटमा प्रधानमन्त्री कोइरालाले अहिलेको शान्ति सुरक्षाका साथै, अब बन्ने नयाँ सरकारका विषयमा सेनाको धारणाका वारेमा जानकारी लिनु भएको स्रोतले जनाएको छ । साथै नेपाली सेना र माओवादी छापामारको समायोजनाका विषयमा पनि छलफल भएको बुझिएको छ ।

सैनिक जनसम्पर्क निर्देशनालयले भने उहाँहरुबीचको भेटघाट नियमित भएको जनाएको छ ।