आप्रवासी तामाङ समाज कतारद्धारा सहयोग

स्वयम्वर सिंह लामा

२७ अप्रिल/कतार

नुवाकोट जिल्ला, ककनी गा.वि.स.-१ घर भै कतार स्थित् एक कम्पनीमा काम गरि रहेको अवस्थामा दुर्घट्नामा परि दुःखत निधन हुन गएको डिल बहादुर तामाङको परिवारलाई आप्रवासी तामाङ समाज कतारको सक्रियतामा सहयोग रकम संकलन गरि नेपाल पठाइएको छ । 

मृतक तामाङको घरको नावालक छोरा र श्रीमतिको अवस्थालाई मध्य नजर राख्दै संस्थाको सक्रियतामा कतारस्थित् विभिन्न संघ संस्था तथा व्यक्तिहरुबाट प्राप्त भएको जम्मा क.री. ४ हजार ४ सय ४३ अर्थात ( रु. ७७ हजार ४ सय ४८ रुपैयाँ ७५ पैसा) मृतक तामाङको छोराको नाममा पाँच बर्षको लागि नेपाल स्थित् प्रभु बैंकको मुद्दती खातामा पठाईएको हो ।   

उक्त रकम मृतकको छोरा गम्भीर तामाङ बालिग नहुन्जेलसम्म अरुले निकाल्न नमिल्ने गरि १७ अप्रिलका दिन नेपाल स्थित् प्रभु बैंक नेपालमा पठाईएको संस्थाले जानकारी गराएको छ ।