बस दुर्घटनामा परि १८ घाइते

नारायणगढबाट नवलपरासीको कावासोतीतर्फ जाँदै गरेको एउटा यात्रुबाहक बस आइतबार दिउँसो पूर्व पश्चिम राजमार्गमा पल्टिदा १८ जना यात्रु घाइते भएका छन् ।

दिउँसो १२.३० बजेतिर नारायणगढबाट कावासोतीतर्फ जाँदै गरेको ना ३ ख १२८७ नम्बरको यात्रु बस सडक किनारमा पल्टेको थियो । प्रहरीका अनुसार चितवन शुक्रबारेका ८ वर्षिय नाबालाक दर्शन पौडेल, उनकी आमा शान्ति पैडेल लगायत ८ जनाको अवस्था गम्भीर रहेको छ ।

दुर्घट्नामा परि गम्भीर घाइते ८ जनालाई थप उपचारको लागि चितवनस्थित मेडिकल कलेजमा रिफर गरिएको र सामान्य घाईते भएका दश जनाको दम्कौली स्वास्थ्य केन्द्रमा उपचार भइरहेको प्रहरीले जनाएको छ ।