पाल्पामा जन्तीबस दुर्घटना, तीन जनाको मृत्यु

बुटवलबाट स्याङजाको गल्याङतर्फ गइरहेको जन्तीब सिद्धार्थ राजमार्ग अन्तर्गत पाल्पामा दुर्घटना हुँदा तीन जनाको मृत्यु भएको छ भने १५ जना घाइते भएका छन् ।

पाल्पाको चिदिपानी-२ बिरौटा भन्ने ठाउँमा लु १ ख ३५२५ नम्बरको बसले सडकनजिक रहेको घरमा ठक्कर दिँदा घरमा सुतिरहेका दुइ जना र बसका एक यात्रुको मृत्यु भएको हो ।

मृत्यु हुनेमा चिदिपानी गाविस वडा नम्बर २ की १२ वर्षकी बालिका पुष्पा घर्ती, उनकी ५० वर्षकी हजुरआमा टोपी सरा र्घर्ती र स्याङजा जगत्र देवी गाविसका बसका मालिक खुमराज दुवे हुनुहुन्छ ।

घाइते मध्ये ९ जनाको युनाइटेड मिसन अस्पताल पाल्पामा र अरु ६ जनाको तानसेन प्रभासमा रहेको लुम्विनी मेडिकल कलेजमा उपचार भैरहेको छ ।

बस सडकबाट १० मिटर तल खसेर घरमा ठोक्किएको थियो । बसको ठक्करबाट घर समेत भत्किएको छ । बस अत्याधिक गतिका कारण दुर्घटना भएको प्रहरीले जनाएको छ । दुर्घट्ना लगत्तै बसका चालक फरार भएका छन् ।