उद्योगीव्यवसायीद्धारा खाद्य सामग्री निर्यात रोक्न आग्रह

उद्योगीव्यवसायीहरुले प्रधानमन्त्री गिरिजाप्रसाद कोइरालासँग भेट गरी गहुं, चामललगायत खाद्य सामग्री निर्यात रोक्न आग्रह गरेको छ ।

उद्योगी कुमुद दुगडको नेतृत्वमा गएको प्रतिनिधिमण्डलले विश्वमा चामल, गहुंलगायत खाद्य सामाग्रीको संकट बढेको र मूल्य अनियन्त्रित रुपमा बढ्न थालेको भन्दै निर्यात रोक्न आग्रह गरेका हुन् ।

उद्योगी व्यवसायीको सो आग्रहपछि प्रधानमन्त्री कोइरालाले सरकारले खाद्यान्न सामाग्रीको निर्यातमा रोक लगाउने आश्वासन दिनुभएको छ । प्रधानमन्त्रीले भएको हो । भेटमा संलग्न उद्योगी वसन्त चौधरीका अनुसार प्रधानमन्त्रीले तत्काल प्रक्रिया अगाडि बढाउने र खाद्यान्न संकट हुन नदिन गहुं, चामललगायतका खाद्य सामाग्रीको निर्यातमा रोक लगाउन निर्देशन दिने बताउनुभएको छ ।

उद्योगीव्यवसायीको प्रतिनिधिमण्डलले बंगलादेशलगायतका तेस्रो मुलुकमा गहुं र चामल निर्यात बढिरहेको भन्दै तत्काल निर्यात रोकी मैदाबाट उत्पादन हुने सामाग्रीका उद्योग संकटमा पर्न लागेको जानकारी गराएका थिए ।