२४ सिटका लागि ७७ पत्रकार प्रतिस्पर्धामा

पत्रकरहरुको छाता संगठन नेपाल पत्रकार महासंघको अध्यक्षसहित २४ सिटका लागि मतदान हुँदै छ । आईतबार बिहान ८ बजेदेखि सुरु हुने मतदान अपरान्ह २ बजेसम्म चल्ने महासंघले जनाएको छ ।

हिजो देखि सुरु भएको महाधिवेशनले आगामी तीन वर्षका लागि नयाँ  नेतृत्व चयन गर्ने छ । निर्वाचनमा ७७ पत्रकार प्रतिष्पर्धामा छन् ।

अध्यक्ष पदका प्रत्यासीमा महेन्द्र बिष्ट, शिव गाउँले, धर्मेन्द्र झा र कुलचन्द्र वाग्ले छन् । उपाध्यक्षमा बलराम बानियाँ, गोविन्द आचार्य, केदार कोइराला र बालकुमार नेपाल प्रत्यासी बनेका छन् । महासचिवमा हेमन्त काफ्ले, विनोद ढुंगेल, पोषण केसी र निर्मला शर्मा छन् ।

सचिवमा पूर्ण बस्नेत, विष्णु छिमेकी, रामजी दाहाल, रामप्रसाद पुडासैनी उम्मेदवार छन् । त्यस्तै कोषाध्यक्षमा विजय घिमिरे, टंक पन्त, उमेश चौहान, रमेश विष्ट र गजेन्द्र बुढाथोकी प्रतिस्पर्धी छन् ।