जनजाति महासंघद्धारा निर्वाचन आयोगको ध्यानाकर्षण

नेपाल आदिवासी जनजाति महासंघका अध्यक्ष पासाङ शेर्पाको नेतृत्वमा गएको टोलीले आईतबार प्रमुख निर्वाचन आयुक्त भोजराज पोखरेललाई एक ज्ञापनपत्र बुझाएको छ ।

महासंघले संविधानसभामा न्युनत्तम एक जाति एक प्रतिनिधित्व नभएको भन्दै निर्वाचन आयोगको ध्यानकर्षण गराएको हो । आदिवासी जनजातिमा सूचिकृत ५९ मध्ये २८ जातिको संविधानसभामा प्रतिनिधित्व हुन सकेको छैन ।

महासंघले आदिवासी जनजातिमा सूचिकृत सबै जातिको कम्तिमा एक जाति एक प्रतिनिधित्व सुनिश्चित हुने कुरा सरकार र महासंघवीचको सम्झौतामा उल्लेख भएको स्मरण गराउँदै बन्दसूचीमा दलहरुले राखेको जातिलाई विजयी सूचिमा राख्नु पर्ने माग गरेका छन् ।

नेकपा एमालेको विजयी ७० जनामा एमालले अध्यक्ष पासाङ शेर्पाको नाम पठाईए पनि संविधानसभामा सबै जातिको प्रतिनिधित्व नभएकोले नैतिकताले नदिने भन्दै संविधानसभा सदस्यबाट आफ्नो नाम फिर्ता लिएका छन् ।