पत्रकारहरुको छाता संगठन नेपाल पत्रकार महासंघको २२ औं महाअधिवेशनले धर्मेन्द्र झाको नेतृत्वमा २४ सदस्यीय नयाँ कार्यसमिति चयन गरेको छ ।
पत्रकारहरुको छाता संगठन नेपाल पत्रकार महासंघको २२ औं महाअधिवेशनले धर्मेन्द्र झाको नेतृत्वमा २४ सदस्यीय नयाँ कार्यसमिति चयन गरेको छ । नयाँ नेतृत्व चुन्नका लागि हिजो भएको निर्वाचनको अन्तिम परिणाम अनुसार धर्मेन्द्र झा अध्यक्षमा चुनिएका हुन् । झा अन्नपूर्ण पोस्टमा कार्यरत पत्रकार छन् ।
झाले ३ सय ६४ मत प्राप्त गरी विजयी बन्नु भएको हो भने उहाँका निकटतम प्रतिद्वन्द्वी शिव गाउँलेले ३ सय १६ मत प्राप्त गर्नुभएको थियो । अर्का प्रतिष्पर्धी निवर्तमान महासचिव महेन्द्र विष्टले २ सय ७९ मत प्राप्त गर्नुभएको थियो ।
त्यस्तै महासंघको उपाध्यक्षमा गोविन्द आचार्य विजयी हुनु भएको छ। उहाँले ३ सय ४३ मत प्राप्त गर्नुभएको थियो भने निकटतम प्रतिद्वन्द्वी बलराम बाँनियाले ३ सय १३ मत प्राप्त गर्नुभएको थियो । महासचिवका लागि भएको प्रतिष्पर्धामा पोषण केसीले ३ सय १५ मत प्राप्त गरी विजयी हासिल गर्नु भयो । उहाँका निकटतम प्रतिद्वन्द्वी विनोद ढुंगेलले २ सय ८३ मत प्राप्त गर्नुभएको थियो ।
त्यसैगरी सचिवमा रामजी दाहाल ४ सय ६५ मतका साथ विजयी हुनु भयो । उहाँका निकटतम प्रतिद्वन्द्वी पूर्ण बस्नेतले ३ सय १२ मत प्राप्त गर्नुभएको थियो । कोषाध्यक्षका लागि भएको प्रतिष्पर्धामा रमेश विष्ट ३ सय १२ मत प्राप्त गरी विजयी हुनु भएको छ ।
विजयी अन्य केन्द्रीय सदस्यहरुमा उपत्यकाबाट उजीर मगर ११६, जगत नेपाल १८९ मतका साथ विजयी हुनु भएको छ भने पूर्वाञ्चलबाट शम्भु थापा ४५, किशोर कार्की ५९, मध्यमाञ्चलबाट शितल साह, प्रताप विष्ट, पश्चिमाञ्चल रविन्द्र बास्तोला, पुण्य पौडेल, मध्यपश्चिमाञ्चलबाट प्रेम केसी, जनक नेपाल, सुदूर पश्चिमबाट छत्र साउद र मनमोहन स्वांर विजयी हुनु भएको छ।
मधेशी तर्फबाट राजकुमार दिक्पाल ३५२, महिलाबाट यशोदा तिमल्सिना ३११, मधेशीबाट महेश दास र दलित कोटाबाट दिवाकर वागचन्द ४३१ मतका साथ विजयी हुनु भएको छ।
एसोसिएट्स तर्फ पनि नेपाल चलचित्र पत्रकार सङ्घका भरत शाक्य, नेपाल खेलकुद पत्रकार मञ्चका अजय फुयाल र एभरेस्ट प्रेस क्लबका शरदराज गौतम निर्वाचित हुनुभएको छ ।
