घलेगाउँ महोत्सव सुरु

स्थानीय कला, संस्कृति र सामग्रीको प्रचारप्रसार गर्दै पर्यटन प्रवर्द्वन गर्ने उद्देश्यले ग्रामीण पर्यटकीयस्थल घलेगाउँमा सोमबारदेखि 'घलेगाउँ महोत्सव २०६५' सुरु भएको छ ।

३ दिनसम्म चल्ने महोत्सवको पर्यटन मन्त्री पृथ्वीसुब्बा गुरुङले उद्‌घाटन गर्नुभएको थियो  । महोत्सव सफल पार्न नेपाल पर्यटन वोर्ड, जिविस लमजुङ र उत्तरकन्या गाविसले सहयोग गरेका छन् ।

महोत्सवमा घाँटु, सोरठी, सेर्का, घ्याबेर, कृष्ण चरित्रलगायतका गुरुङ लोकसंस्कृति र हस्तकलाका सामग्रीहरू राडीपाखी, सिस्नुको झोला, निगाला, चोया र काठबाट बन्ने सामग्रीहरू प्रदर्शन गरिएका छन् ।