प्रेस स्वतन्त्रता बिना लोकतन्त्र संस्थागत हुन सक्दैन

प्रधानमन्त्री गिरिजाप्रसाद कोइरालाले दलहरुबीच गठवन्धन संस्कारको विकासमा जोड दिनुभएको छ ।  

आजदेखि राजधानीमा सुरु तीन दिने फोटो प्रदर्शनीको उदघाटन गर्दै प्रधानमन्त्री कोईरालाले दलहरुबीचको गठवन्धन संस्कारको बिकाशबाट मात्र मुलुक अघि बढ्ने बताउनुभएको छ ।

कार्यक्रममा प्रधानमन्त्री कोईरालाले आफू सँधै प्रेस स्वतन्त्रताको पक्षमा रहेको बताउँदै प्रेस स्वतन्त्रतालाई सबैले आत्मासाथ गर्नुपर्नेमा जोड दिनुभयो । उहाँले प्रेस स्वतन्त्रता बिना लोकतन्त्र संस्थागत हुन नसक्ने स्पष्ट पार्नुभयो ।

प्रदर्शनीमा २०६२/६३ को जनआन्दोलन पछिका विभिन्न तश्वीरहरु राखिएका छन् ।