प्रधानमन्त्रीद्धारा सहमतिका आधारमा नयाँ सरकार बनाउन माओवादीलाई आव्हान

प्रधानमन्त्री गिरिजाप्रसाद कोइरालाले नेकपा माओवादीलाई सहमतिका आधारमा नयाँ सरकार बनाउन आव्हान गर्नुभएको छ ।

बालुवाटारमा बसेको प्रमुख तीन दल नेकपा माओवादी, नेपाली कांग्रेस र नेकपा एमालेबीच भएको बैठकमा प्रधानमन्त्री कोइरालाले उक्त आव्हान गर्नुभएको हो ।  कोईरालाले राजनीतिक सहमतिकै आधारमा अगाडि बढ्नुपर्नेमा जोड दिनुहुँदै आगामी सरकार राष्ट्रिय एकताको सरकार हुनुपर्ने बताउनुभयो ।

प्रधानमन्त्री कोईरालाले आफूमा पदको लालच नभएको बताउदै नयाँ संविधान निर्माण प्रक्रिया शुरु भएलगत्तै जिम्मेवारी हस्तान्तरण गर्ने स्पष्ट पार्नुभयो । बैठकमा माओवादी अध्यक्ष प्रचण्डले प्रधानमन्त्रीको राजीनामा आउनुपर्ने प्रस्ताव राख्नुभएको बुझिएको छ ।