राजधानीका विभिन्न क्षेत्रमा निषेधाज्ञा जारी

जिल्ला प्रशासन कार्यालय काठमाण्डौले आजदेखि राजधानीका केहि स्थानहरुमा निषेधाज्ञा जारी गरेको छ । 

निषेधाज्ञा जारी गरिएका स्थानहरुमा संविधानसभाको बैठकस्थल अन्तर्राष्ट्रिय सम्मेलन केन्द्र, सिंहदरवार, नारायणहिटी दरबार, प्रधानमन्त्री निवास बालुवाटार र राजा ज्ञानेन्द्रको निजी निवास निर्मल निवासलगायत रहेका छन् ।

निषेधाज्ञा जारी गरिएका स्थानहरुमा कुनैपनि किसिमको नारा, जुलुस, आमसभा, विरोध, धर्ना, दबाब दिने लगायतका कार्य सञ्चालन गर्न नपाइने उल्लेख गरिएको छ । साथै उक्त क्षेत्रमा खुल्ला ठेला गाडा, चियाखाजा, तरकारी पसल सञ्चालन गर्न तथा सवारी साधन पार्किङ् गर्न समेत निषेध गरिएको छ ।