पहिलो बैठकबाटै राजतन्त्रको अन्त्यको घोषणा गर्ने

प्रमुख तीन दल नेकपा माओवादी, नेपाली कांग्रेस र नेकपा एमालेबीच प्रधानमन्त्री निवास बालुवाटारमा भएको बैठकले संवैधानिक राष्ट्रपति राख्ने सहमति निर्माण गरेका छन् ।

सहमति अनुसार राष्ट्रपतिको चयन संविधानसभाले गर्ने छ भने उपराष्ट्रपतिको समेत व्यवस्था गरिने छ । राष्ट्रपति सेनाका सर्बोच्च कमाण्डर रहने र असहज परिस्थितिमा संकटकाल लगाउने र फिर्ता लिने अधिकार पनि राष्ट्रपतिमा निहित हुनेछ ।

संविधानसभाको आजको पहिलो बैठकमा मन्त्री परिषदका तर्फबाट प्रधानमन्त्रीले राजतन्त्रको अन्त्य गर्ने प्रस्ताव राख्नेछ र नारायणहिटि राजदरबार १५ दिनभित्र खाली गर्न राजालाई समय दिने निर्णय गरेको छ ।