प्रधानमन्त्रीको राजिनामा पछि नयाँ सरकार गठनको गृहकार्य सुरु

प्रधानमन्त्री गिरिजाप्रसाद कोइरालाले पदबाट राजिनामा दिनुभएपछि माओवादी लगायत प्रमूख दलहरु नयाँ सरकार गठनको गृहकार्यमा लागेका छन् । दलहरुले शुक्रबार बिहानै देखि छलफल तिव्र बनाएका छन् ।

दलहरुले आन्तरिक, दुक्षपक्षिय र त्रिपक्षिय छलफल गर्ने भएका छन् । नेकपा माओवादीले आज नेकपा एमाले लगायत अरुदलहरुसंग छलफल गर्दैछ । नेकपा माओवादी र नेकपा एमालेका शीर्ष नेतृत्वबीच राजनीतिक निकासका विषयमा माओवादी संसदीय कार्यालय सिंहदरबारमा छलफल भइरहेको छ ।

दुवै पार्टीका नेताबीच भोलि बस्ने संसद बैठक सहज सञ्चालन र मधेशवादी दलहरूका मागबारे छलफल भइरहेको बताइएको छ । नयां सरकारको गठन र मधेसवादी दलहरुले संसदको बैठकमा उठाएको मागका विषयमा छलफल हुनेछ ।

त्यस्तै नेकपा एमाले केन्द्रीय कमिटी र स्थायी समितिको छुट्टाछुट्टै बैठक बस्दैछ । त्यस्तै नेपाली कांग्रेस संसदीय दलको वैठक पनि आज बस्दैछ । अहिले बिहान ९ बजे संसदीय दलको कार्यालयमा बस्ने बैठकमा अबको राजनितिक प्रक्रिया र मधेसवादी दलहरुले उठाएका मागका विषयमा छलफल हुने छ ।