कोरियामा बुद्ध नेपाल अभियान

कोरियाको राजधानी सिउलमा बुद्ध नेपाल समितिले एक परिचयात्मक कार्यक्रम गर्ने तयारी गरेको छ ।       

एनआरएन कोरियाले थालनी गरेको "बुद्ध नेपाल अभियान" अन्तर्गत आउँदो अगष्ट ३ मा सो कार्यक्रम गर्ने भएको छ ।  कोरियामा रहेका नेपालीहरु र नेपालसँग सम्बधित कोरियन नागरिकहरुलाई आमन्त्रण गरिने उक्त कार्यक्रमको मुख्य उद्देश्य नेपाललाई बुद्ध जन्मिएको देशको रुपमा प्रचार प्रसार गर्दै सगरमाथा र नेपालको प्राकृतिक र सांस्कृतिक विश्व सम्पदाहरुको परिचय गरी नेपालको पर्यटन प्रवर्द्धन गर्ने रहेको एनआरएन कोरियाका कोषाध्यक्ष एवं एनआरएन कोरिया अन्तर्गत गठन भएको बुद्ध नेपाल समितिका संयोजक दिनेश हिराचनले बताउनु भएको छ ।

कार्यक्रममा नेपालकी ख्यातिप्राप्त कलाकार आनी छ्योइङ डोल्माको बिशेष सहभागितामा कोरियामा रहेका नेपालीहरुको बिशेष सांस्कृतिक कार्यक्रमका साथै नेपाल सम्बन्धी कला एवं फोटो प्रदर्शनी समेत हुने जनाएको छ ।