संविधानसभा बैठक आज पनि स्थगित

संविधानसभाको आजको बैठक पनि स्थगित भएको छ  सरकारले पूरक संविधान संशोधन प्रस्ताव प्रस्तुत गरेर मधेशवादी दललाई चित्त बुझाउन चालेको कदम पूर्णत सफल नहुने देखिएपछि संविधानसभा बैठक स्थगित भएको छ । २१ असारमा यसअघि दर्ता भएका प्रस्ताव र हालै दर्ता भएको पूरक संशोधन प्रस्तावमा छलफल हुने भनिएपनि मधेशवादी दलले असन्तुष्टि जनाउदै बैठक अवरुद्ध गर्ने बताएका थिए ।

संविधानसभा कार्यसम्पादन समितिमा छलफल भएअनुसार संविधान संशोधन प्रस्ताव सभासदहरुलाई बांडेर अध्ययनपश्चात् छलफलको वातावरण बनाइने बताइएको छ । बैठक २३ असारमा बस्ने जनाइएको छ ।