थारुद्धारा थप आन्दोलनका कार्यक्रम घोषणा

एक मधेस र एक प्रदेश र हिजोको प्रहरी हस्तक्षेपको विरोधमा थारु कल्याणकारिणी सभाले आजबाट थप विरोधका कार्यक्रम सार्वजनिक गरेको छ । विरोधका कार्यक्रम अनुसार आज सभाले काठमाण्डुको नयाँ बानेश्वरको शान्तिनगर गेट अगाडी आधा घण्टा चक्का गर्ने भएको छ । दिउसो २ बजे देखि आघाघण्टा सम्मा चक्का जाम गर्ने कार्यक्रम रहेको सभाका महामन्त्री कुमार लेखीले जानकारी दिनुभयो ।

तर्राईलाई मधेशी जातिको नाममा मधेश बनाउन खोजेकेा आरोपमा आन्दोलन गरिरहेको थारु कल्याणकारिणी सभाले आन्दोलनमा सरकारले हस्तक्षेप गरेको भन्दै थप आन्दोलनको कार्यक्रम सार्वजनिक गरेको बताएको छ ।

तर्राईका आदिवासीहरुलाई मधेशी बनाउने निर्णय गर्ने सात दलीय गठवन्धन सरकार र मधेशवादी दलहरुको भित्री साँठगाँठमा गरिएको भन्दै सभाआद्ध विभिन्न ९ ओटा संगठनले हिजो राजधानिमा प्रदर्शन गरेका थिए ।