१३ दिनपछि संविधानसभा सुचारु

१३ दिनसम्म अवरुद्ध भएको संविधानसभा बैठक सुचारु भएको छ । मधेशवादी दलको अवरोधका कारण चल्न नसकेको बैठक २५ असारको अपरान्हबाट सुचारु भएको हो ।

सांझ ६ बजे शुरु भएको बैठकमा संविधान संशोधनको प्रस्तावबारे छलफल हुनेछ । मधेशवादी दलहरु प्रस्तावबारे पूर्ण सहमति नभएपनि बैठक सुचारु हुन सहमत भएका छन् ।

बैठक शुरु भएलगत्तै रोष्टम प्रयोग गरी माओवादी अध्यक्ष प्रचण्डले लामो समय सम्बोधन गरेका छन् । उनले जनताको माग सम्बोधन गर्न कटिवद्ध हुने भन्दै शंका नगर्न आग्रह गरे ।