भोली बिहानसम्म राष्ट्रपतिको टुङ्गो लाग्ने : प्रचण्ड

 माओवादी अध्यक्ष पुष्पकमल दाहाल प्रचण्डले आज बेलुका वा भोली बिहानसम्म राष्ट्रपतिबारे टुङ्गोमा पुगिने बताउनुभएको छ ।

राजधानीमा आज आयोजित एक कार्यक्रममा सम्बोधन गरेपछि संचारकर्मीहरुसँग कुरा गर्दै प्रचण्डले सो कुरा बताउनुभएको हो । प्रचण्डले राष्ट्रपति चयन र नयाँ सरकार गठनबारे एमालेसँग मोर्चा बन्ने निश्चित भए पनि माधव नेपाललाई राष्ट्रपति बनाउनेबारे भने सहमति हुन बाँकि रहेको बताउनुभयो ।  'एमालेलाई हामीले राष्ट्रपतिमा समावेशी नाम ल्याउन आग्रह गरिरहेका छौं' प्रचण्डले भने ।

संचारकर्मीहरुसँग कुरा गर्दै प्रंचण्डले राष्ट्रपतिको चुनाव साउन ४ गतेभन्दा पछि नसर्ने पनि जानकारी दिए ।