राष्ट्रपति चुनावका लागि मतदाताको सूची प्रकाशित

संविधानसभा सचिवालयले राष्ट्रपति तथा उपराष्ट्रपतिको चुनावका लागि मतदाता सूची प्रकाशित गरेको छ । साउन १ गते प्रकाशित सूची अनुसार, राष्ट्रपति तथा उपराष्ट्रपति चुनावमा ५९४ जनाले मतदान गर्न पाउनेछन् ।
 
६०१ सदस्यीय संविधानसभा भनिए पनि दुई क्षेत्रबाट पाँच जनाले चुनाव जितेका तथा दुई जना संविधानसभासदले अझै सपथ नखाएका कारण राष्ट्रपति तथा उपराष्ट्रपतिको चुनावका लागि ५९४ जना मात्रै मतदाता भएका हुन् ।

हिजै तय भएको कार्यक्रम अनुसार, राष्ट्रपति तथा उपराष्ट्रपतिमा सबै दलबीच सहमति भए आजै मनोनय दर्तालगायतका कार्यक्रम गरिने तथा सहमति नबने साउन २ गते उमेदवार मनोनयन दर्ता गर्न सकिने छ । राष्ट्रपति तथा उपराष्ट्रपतिबारे दलहरुबीच सहमति नभएकाले साउन २ गते ११ बजेदेखि साढे १ बजेसम्म उमेद्धार मनोनयन दर्ताको समय निश्चित भएको छ।