कांग्रेस, एमाले र फोरमबीच गठबन्धन

कांग्रेस, एमाले र फोरमबीच सहमतिको राजनीति अघि बढाउने प्रतिबद्धतासहित नयाँ गठबन्धन बनेको छ ।

राष्ट्रपति/उपराष्ट्रपतिको निर्वाचन र संविधानसभा अध्यक्ष मुख्य तीन पदमा एकअर्कालाई समर्थन गर्ने सहमतिसहित यो नयाँ गठबन्धन बनेको हो ।

माओवादीले कांग्रेस र एमालेसित सहमतिविपरीत राष्ट्रपतिमा नवजनवादी मोर्चाका अध्यक्ष रामराजाप्रसाद सिंहलाई प्रस्ताव गरेपछि यी दलले नयाँ गठबन्धन निर्माण गरेका हुन् ।

फोरम आफ्ना उपराष्ट्रपतिका उम्मेदवार परमानन्द झालाई माओवादीले समर्थन नगर्ने बताएपछि कांग्रेस र एमालेसँग नजिकिएको हो । नयाँ समीकरण बनेका कारण फोरमका उम्मेदवार झा उपराष्ट्रपतिमा निर्वाचित भएका छन् ।

चारबुँदे सहमतिमा तीन दलबीच शान्ति प्रक्रियालाई तार्किक निष्कर्षा पुर्‍याउन र लोकतान्त्रिक पद्धतिलाई संस्थागत गर्न सहमतिको राजनीतिलाई अघि बढाउने सहमति भएको छ ।

त्यस्तै कांग्रेसतर्फाट राष्ट्रपतिका उम्मेदवार रामवरण यादवलाई मत हाल्ने र संविधानसभा अध्यक्षमा एमालेतर्फाट प्रस्तावित उम्मेदवारलाई र्समर्थन गर्ने सहमति भएको छ । तीन दलको नयाँ समीकरणमा १२ बुँदे समझदारीदेखि सहकार्य गर्दै आएको माओवादी गठबन्धनबाट बाहिरिएको छ ।