उपराष्ट्रपतिलाई ७ दिनभित्र लिखित जवाफ पेश गर्न सर्वोच्चको आदेश

सर्वोच्च अदालतले उपराष्ट्रपति परमानन्द झाले हिन्दी भाषामा शपथ लिएकोमा सात दिनभित्र लिखित जवाफ पेश गर्न उपराष्ट्रपति र प्रधानमन्त्रीलाई आदेश दिएको छ ।

हिन्दी भाषामा लिएको शपथ बदर गर्न माग गर्दै दायर भएको रिटमाथि प्रारम्भिक सुनवाई गर्दै अदालतले यो आदेश दिएको हो । न्यायाधीश दामोदर प्रसाद शर्माको एकल इजलासले दिएको आदेशमा विपक्षीबाट लिखित जवाफ आएपछि सो रिटलाई अग्राधिकारमा राखिने उल्लेख गरिएको छ ।

राष्ट्रपतिको पद खाली भएको अवस्थामा मात्रै उपराष्ट्रपतिले जिम्मेवारी सम्हाल्ने भएकाले उपराष्ट्रपतिको काम कारवाही तत्काललाई रोक्न नपर्ने निर्णय अदालतले गरेको छ ।

उपराष्ट्रपति झाले हिन्दी भाषामा लिएको शपथ संविधान वीपरित भएको दावी गर्दै अधिवक्ता बालकृष्ण न्यौपानेले रिट निवेदन दायर गरेका थिए ।