प्रधानमन्त्री पन्ध्रौं सार्क शिखर सम्मेलनमा भाग लिन कोलम्बो प्रस्थान

प्रधानमन्त्री गिरिजाप्रसाद कोइराला दक्षिण एशियाली क्षेत्रिय सहयोग संगठन सार्कको पन्ध्रौं शिखर सम्मेलनमा भाग लिन नेपालको नेतृत्व गर्दै आज कोलम्वो प्रस्थान गर्नुभएको छ ।

जेट एयरवेजको नियमित उडानबाट प्रधानमन्त्री कोइराला त्यस तर्फप्रस्थान गर्नुभएको हो । त्रिभुवन अन्तर्राट्रय विमानस्थलमा विशिष्ट महानुभावहरुले प्रधानमन्त्री कोइरालाको विदाइ गर्नुभएको थियो । सार्कमा नेपालको तर्फबाट प्रतिनिधित्वको विषयमा विवाद भएपछि चार प्रमुख दलको हिजो भएको सहमति अनुरुप काम चलाउ प्रधानमन्त्रीका हैसियतले कोइरालाले नेतृत्व गर्नुभएको हो ।
 
र्सार्कको पन्ध्रौं शिखर सम्मेलन यहि साउन अठार र उन्नाइस गते श्रीलंकाको कोलम्वोमा हुँदैछ । प्रधानमन्त्री कोइरालासँगै आज प्रधानमन्त्रीका विदेश मामिला सल्लाहकार आदित्य बराल, छोरी सुुजाता कोइराला, डक्टर अर्जुन कार्की, उद्योग वाणिज्य महासंघका अध्यक्ष कुशकुमार जोशी लगायत तेह्र जना आज श्रीलंकातर्फप्रस्थान गर्नुभएको हो ।