थरुहट संयुक्त संघर्ष समितिद्धारा उपराष्ट्रपतिको विरोध

उपराष्ट्रपति परमानन्द झाले हिन्दीमा सपथ लिएको भन्दै थरुहट संयुक्त संघर्ष समितिले विरोध कार्यक्रम गर्नेभएको छ ।

समितिले आज राजधानिमा पत्रकार सम्मेलन आयोजना गरी भोलिबाट थरुहट क्षेत्रमा विरोध कार्यक्रम गर्ने जनाएको हो ।  

हिन्दी तराईका जनताको सम्पर्क भाषा नभएको तथा उपराष्ट्रपतिको हिन्दी सपथबाट नेपालका अन्य भाषाभाषीको अवहेलना भएको बताउँदै समितिका नेता लक्ष्मण थारुले भोलि थरुहट क्षेत्रमा मसाल जुलुस गरिने र साउन २० गते बन्द आव्हान गरिने बताए ।

हिन्दीमा सपथ लिने झाको निर्णय भारतबाट निर्देशित भएको उनीहरुको आरोप थियो ।