राष्ट्रपतिद्धारा सरकार बनाउने समय थप

राष्ट्रपति डा.रामवरण यादवले नयां सरकार गठनका लागि तीन दिनको समयसीमा थप गरेका छन् । माओवादी अध्यक्ष प्रचण्डको  आग्रहबमोजिम राष्ट्रपति यादवले उक्त समयसीमा थप गरेका हुन् ।

२१ साउनमा नेकपा माओवादी, नेपाली कांग्रेस, नेकपा एमाले र मधेशी जनअधिकार फोरमको सिंहदरबारमा बसेको बैठकले समयसीमा तीन दिन थप्न आग्रह गर्ने निर्णय गरेबमोजिम माओवादीले राष्ट्रपतिसमक्ष उक्त आग्रह गरेको थियो ।

नयां सरकार गठनका लागि राष्ट्रपतियादवले माओवादीलाई सात दिनको समय तोकेको थियो । उक्त  समय आजबाट समय सकिएको छ । थप छलफल गर्नुपर्ने भएकाले तीन दिन समयसीमा थप्न आग्रह गर्ने निर्णय गरिएको बैठकमा सहभागी माओवादी प्रवक्ता कृष्णबहादुर महराले बताए । उनले एक दुइ दिनमै सहमतिमा पुग्ने वातावरण बन्दै गएको बताए ।