रक्षा, गृह र अर्थमध्ये एउटा छाड्न माओवादी तयार

नेकपा माओवादीका अध्यक्ष प्रचण्डले रक्षा, गृह र अर्थ मन्त्रालयमध्ये एउटा मात्र मन्त्रालय अन्य दललाई छाड्ने बताएका छन् । २६ साउनमा शान्ति तथा पुनः निर्माणमन्त्रालयमा नेपाली कांग्रेसको नेतृत्वसंगको छलफलपछि उनले उक्त कुरा बताएका हुन् ।

'कांग्रेसले रक्षा पाउनुपर्ने दाबी गरेको छ,' प्रचण्डले संचारकर्मीसंग भने,'हामीले रक्षा, गृह र अर्थमध्ये एउटा मात्र मन्त्रालय छाड्छौं भन्यौं ।' आफूहरुले राष्ट्रिय सहमतिको सरकार गठनका लागि हदैसम्म लचकता अपनाएको बताए । उनले सहमतिको सरकार निर्माणका लागि अन्य दललाई सम्मानजनक स्थान दिन तयार रहेको समेत बताए ।

कांग्रेस माओवादी नेतृत्वमा सरकार गठन हुनुपर्नेमा सकारात्मक रहेको प्रचण्डको भनाई थियो । तर रक्षा मन्त्रालयको दाबी नछाडेकाले समस्या बांकी रहेको बताए ।

बैठकमा प्रचण्डले माओवादी टोलीको नेतृत्व गरेका थिए भने कांग्रेसबाट उपसभापति रामचन्द्र पौडेल सहभागी थिए ।