एमाले मन्त्रीहरुको सपथ रोकियो

सरकारमा पठाउने मन्त्रीहरुको विषयमा नेकपा माओवादीमा सहमति बन्न नसकेपछि आज हुने भनिएको एमाले मन्त्रीहरुको सपथ ग्रहण कार्यक्रम आईतबार सम्मका लागि स्थगित गरिएको छ ।

हिजो प्रधानमन्त्री एवं माओवादी अध्यक्ष पुष्पकमल दाहाल र एमाले महासचिव झलनाथ खनालबीच एमालेलाई दोस्रो मर्यादाक्रममा राख्ने सहमति भएपछि एमाले मन्त्रीहरुसँगै माओवादीका अन्य ५ मन्त्रीले सपथ लिने बताइएको थियो ।

प्रधानमन्त्री निवास बालुवाटारमा आज बसेको माओवादी सचिवालय बैठकले मन्त्रिपरिषद्को विस्तार आइतबार गर्ने निर्णय गरेको हो । बैठकपछि संचारकर्मीहरुसँग कुरा गर्दै संचारमन्त्री एवं माओवादी प्रवक्ता कृष्णबहादुर महराले मन्त्री मण्डलले आइतबार पूर्णता पाउने र मन्त्रीहरुको सपथ ग्रहण पनि आइतबार नै हुने बताउनुभयो ।