सेनामा प्रवेशका लागि मापदण्ड पूरा हुनुपर्ने प्रधानसेनापतिद्धारा स्पष्ट

प्रधानसेनापति रुक्माङ्गत कटवालले नेपाली सेनामा प्रवेशका लागि तोकिएको मापदण्ड पूरा हुनुपर्ने अडान दोहोर्‌याएका छन् ।

भक्तपुरको खरिपाटीमा आज आयोजित कार्यक्रममा बोल्दै कटवालले मापदण्ड पूरा नभएकालाई सेनामा प्रवेश नगराइने बताउँदै - 'सेनामा तोकिएको मापदण्ड पूरा गर्नेलाई प्रवेश खुल्ला छ, सेना राजनीतिबाट सधै टाढा रहदै आएको छ र रहिरहनेछ ।'

कटवालले नेपालको राष्ट्रियता र भौगोलिक अखण्डताका लागि सेना सधै सक्रियतापूर्वक लाग्ने प्रतिबद्धता व्यक्त गरे । जनमुक्ति सेना र नेपाली सेना समायोजनको प्रसंग उठाइरहदा प्रधानसेनापतिको यस्तो अभिव्यक्ति आएको हो ।