सरकारले पश्चिमका बाढी पीडितलाई उपेक्षा गरेको सभासदहरुको आरोप

व्यवस्थापिकाको हैसियतमा जारी संविधानसभाको बैठकमा सभासदहरुले मध्य तथा सुदूरपश्चिममा आएको बाढीबाट प्रभावितहरुको उद्धार र राहतमा सरकारको ध्यान नदिएको भन्दै आपत्ति जनाएका छन् ।

सभासदहरुले पूर्वाञ्चलको तुलनामा मध्य र सुदूरपश्चिम क्षेत्रलाई राज्यले जहिले पनि उपेक्षा गरेको आरोप लगाउँदै बाढीमा हराएकाहरुको खोजी पनि नभएको बताए ।

व्यवस्थापिका संविधानसभाको आजको बैठकमा चालु आर्थिक वर्षको बजेटमाथि सभासदहरुले उठाएका प्रश्नको अर्थमन्त्री डा. बाबुराम भट्टराईले जवाफ दिने कार्यक्रम रहेको छ । बजेटमाथिको छलफल मंगलबार सकिएको हो ।

अर्थमन्त्री डा. भट्टराईले आजै विनियोजन विधेयक, २०६५ र पेश्की खर्च विधेयक, राष्ट्र ऋण उठाउने विधेयक र ऋण तथा जमानत १६औं संशोधन विधेयकसमेत पेस गर्नुहुनेछ ।