कोशी विस्थापितहरुद्वारा इनरुवा बजार बन्द

सप्तकोशी कटानका कारण विस्थापित भएकाहरुले इनरुवा बजार बन्द गराएका छन् ।

विस्थापितहरुको मागप्रति सरकार गम्भीर नभएको भन्दै विस्थापितहरुले चार दिनदेखि विभिन्न विरोधका कार्यक्रम गर्दैआएका छन । विस्थापितहरुले जग्गाको सोधभर्ना पाउनुपर्ने, पुनर्वास, क्षतिपर्ूर्ति लगायतका दशसुत्रीय माग सहितको ज्ञापनपत्र प्रधानमन्त्रीलाई बुझाएका थिए ।

विस्थापितका मागप्रति सरकार सजग नभए पच्चीस हजार विस्थापितहरुले सिंहदरबार घेर्ने चेतावनी संर्घष समितिका संयोजक रामकुमार बस्नेतले बताउनु भयो । केही दिनअघि प्रभावित क्षेत्रको निरीक्षण गर्ने क्रममा गृहमन्त्री वामदेव गौतमले विस्थापितहरुको समस्या चाँडै समाधान गरिने आश्वासन दिनुभएको थियो ।