सूचना तथा संचामन्त्री कृष्णबहादुर महराले नेपाली कांग्रेसका कारण सेना समायोजनमा ढिलाई भएको आरोप लगाएका छन् ।
सूचना तथा संचामन्त्री कृष्णबहादुर महराले नेपाली कांग्रेसका कारण सेना समायोजनमा ढिलाई भएको आरोप लगाएका छन् । २३ कात्तिकमा हातेमालो मिडिया र्सर्भिसको चौंथो वार्षिकोत्सवमा बोल्दै उनले कांग्रेसले संविधान निर्माणमा अवरोध खडा गरेको आरोप लगाएका हुन् ।
'संविधान समयमै निर्माण गर्न सरकार गम्भीर भएर लागेको छ,' महराले भने,'कांग्रेसको यथास्थितिवादी चिन्तनले संविधान निर्माणमा अवरोध आएको छ ।' सबै किसिमका अवरोधलाई पन्छाएर तोकिएकै समयमा संविधान बनाउने उनको भनाई थियो ।
नेपाली कांग्रेसका केन्द्रीय सदस्य नरहरि आचार्यले संविधान निर्माणमा ढिलाई भए अर्को आन्दोलन हुने चेतावनी दिए । सरकारमा सहभागी दलहरु जिम्मेवार नहुदा संविधान लेखनमा ढिलाई भएको उनको आरोप थियो ।
नेकपा एमाले स्थायी कमिटि सदस्य भरतमोहन अधिकारीले संविधान लेखनका लागि साझा सहमति बनाउन ढिलाई गर्न नहुने बताए ।
नेकपा माओवादीका नेता दीनानाथ शर्माले संविधान समयमै निर्माण गर्नबाट कसैले रोक्न नसक्ने बताए ।
कार्यक्रममा रिपोर्र्टर्स क्लब नेपालका अध्यक्ष ऋषि धमलाले संविधान समयमै निर्माणका लागि क्लबले दबाब सृजना गर्न देशव्यापी साक्षात्कार गर्ने बताए । दलहरुबीच एकता, सहमति र सहकार्य अनिवार्य भएको भन्दै त्यसका लागि सबैले दबाब सृजना गर्नुपर्ने आवश्यकता औल्याए ।
कार्यक्रम हातेमालो मिडिया र्सर्भिसका अध्यक्ष माधव निर्दोषको सभापतित्वमा सम्पन्न भएको थियो ।
