एमाले स्थायी समितिको बैठक सुरु

एमाले स्थायी समितिको बैठक सुरु भएको छ ।  एमाले केन्द्रीय कार्यालय बल्खुमा सुरु भएको बैठकले भोली सुरु हुने केन्द्रीय कमिटीको बैठकमा प्रस्तुत गरिने एजेण्डा तय गर्ने बुझिएको छ ।

बैठकमा पार्टीका कार्यबाहक महासचिव अमृतकुमार बोहोराले केन्द्रीय कमिटी बैठकमा प्रस्तुत गरिने राजनीतिक प्रतिवेदन प्रस्तुत गर्नेछन् र बैठकले त्यसलाई केन्द्रीय कमिटीमा प्रस्तुत गर्नेगरी अन्तिमरुप प्रदान गर्नेछ ।

एमालेको १५ सदस्यीय स्थायी रहेको समितिमा महासचिव माधवकुमार नेपालले राजीनामा दिएपछि बोहोराको अध्यक्षता स्थायी समितिको बैठक पहिलो पटक बस्न लागिएको हो ।