नेकपा एमाले केन्द्रीय कमिटीको १८ औं बैठक आजदेखि राजधानीमा शुरु हुँदैछ । वैठक आज दिउसो १२ बजेबाट पार्टी कार्यालय बल्खुमा शुरु हुँदैछ ।
नेकपा एमाले केन्द्रीय कमिटीको १८ औं बैठक आजदेखि राजधानीमा शुरु हुँदैछ । वैठक आज दिउसो १२ बजेबाट पार्टी कार्यालय बल्खुमा शुरु हुँदैछ ।
आजदेखि शुरु हुने वैठकमा संविधान सभाको चुनावमा पार्टीले बेहोर्नुपरेको पराजय, चुनावी परिणामको समिक्षा तथा आगामी कार्य योजना लगायतका विषयमा छलफल हुनेछ ।
त्यस्तै चुनावमा बेहोरेको हारको नैतिक जिम्मेवारी लिँदै एमाले महासचिव माधवकुमार नेपालले पदबाट दिएको राजिनाका विषयमा पनि आजको वैठकमा छलफल हुनेछ । छलफलपछि वैठकले नेपालको राजिनामा र नयाँ नेतृत्वका लागि पार्टीको आठौ महाधिवेसनको विषयमा निर्णय गर्नेछ ।
एमाले नेताहरुका अनुसार यो केन्द्रीय कमिटीको वैठकले नेकपा एमालेका हिजोका दिनको मुल्याङकन गर्दै आगामि कार्ययोजनाको मार्गचित्र तय गर्नेछ । एमाले स्थायी समितिका सदस्य झलनाथ खनालले संविधान सभाको चुनावी परिणाम र सरकार गठन अगाडी बस्न लागेको वैठक महत्वपूर्ण हुने जानकारी दिनुभयो ।
आजको वैठकमा यसअघि स्थायी समितिले अनुमोदन गरेका प्रस्ताव र कार्यवाहक महासचिव अमृत कुमार बोहराको राजनितिक प्रतिवेदन पेश गरिनेछ । कार्यवाहक महासचिव बोहराको १० पेज लामो प्रतिवेदनमा सरकारमा एमालेको सहभागीता, चुनावी समिक्षा, आठौ महाधिवेसन, जनताको बहुदलीय जनवादको सान्दर्भिकता लगायतका विषयहरु समेटिएका छन् ।
