प्रचण्ड र मार्टिनबीच भेटवार्ता

नेकपा माओवादीका अध्यक्ष प्रचण्ड र नेपालमा रहेको राष्ट्रसंघीय मिसन अनमिन प्रमुख यान मार्टिनविच भेटवार्ता भएको छ ।

आज बिहान प्रचण्ड निवास नयाँ बजारमा भएको भेटवार्तामा अब बन्ने नयाँ सरकार, त्यसको स्वरुप र सेना समायोजनका विषयमा छलफल भएको छ । भेटमा अनमिन प्रमुख मार्टिनले सेना समायोजनका विषयमा विशेष चासो राख्नु भएको थियो ।

त्यस्तै नेपालको शान्ति प्रक्रिया र अबको राष्ट्रसंघको भूमिकाका विषयमा पनि छलफल भएको माओवादी स्रोतले जनाएको छ । सो क्रममा नेकपा माओवादीका अध्यक्ष प्रचण्डले नेपालमा अब राष्ट्रसंघको भूमिका आबश्यक नरहेको बताउनु भएको र उक्त विषयमा पनि छलफल भएको जनाएको छ ।