सदभावना आनन्दीदेवीमा चर्को विवाद

Email this

Print this

MOST POPULAR

PDF version

XML version

TXT version

नेपाल सदभावना आनन्दीदेवी दुई पक्षबीच संविधानसभा सदस्यका लागि नाम छनोट गर्ने बारे चर्को विवाद बढेको छ । निर्वाचन आयोगले दुई छुट्टाछुट्टै समूहले बन्दसूचीबाट संविधानसभा सदस्यका लागि नाम छनोट गरी पठाएको छुट्टाछुट्टै नामबारे आज स्पष्टिकरण लिएको छ ।

दुवै पक्षले आयोगमा आफूले पठाएको नामावली आधिकारिक भएको दाबी गरेका छन् । समानमुपातिक तर्फ प्राप्त मतका आधारमा सद्‌भावना आनन्दीदेवीले दुइ सदस्यको प्रतिनिधित्व पाउनेछ ।

श्यामसुन्द गुप्ता समूहले आफूहरुले आधिकारिक बैठक बसी नाम तय गरेकाले त्यसैलाई मान्यता दिनुपर्ने जिकिर गरेको भने खुशीलाल मण्डल समूहले पनि आफूहरुले पठाएको नाम आधिकारिक भएको दाबी गरेको छ ।

यता सदभावना आनन्दीदेवीकी अध्यक्ष आनन्दीदेवीको अपहरण गरेको आरोप पनि एकले अर्को पक्षमाथि लगाएको छ ।

आयोगले आधिकारिक नामको टुंगो लगाउन भने बाँकी नै छ ।