प्रमूख तीन दलबिच सहमति

प्रमूख तीन दल नेपाली कांग्रेस, एमाले र माओवादीबीच अन्तरिम संविधान संशोधन गरी संवैधानिक राष्ट्रपति र कार्यकारी प्रधानमन्त्रीको ब्यवस्था गर्ने सहमति भएको छ ।

मंगलबार बिहान प्रधानमन्त्री निवास बालुवाटारमा भएको तीन दलबीचको छलफलमा संवैधानिक राष्ट्रपति र कार्यकारी प्रधानमन्त्रीको छुट्टाछुट्टै ब्यवस्था गर्ने नेपाली कांग्रेस र एमालेको प्रस्ताव माओवादीले स्वीकारेपछि तीन दलबीच सहमति भएको हो ।

सहमति हुन बाँकी बिषयमा तीन दलबीच आजै बेलुका छलफल हुने एमाले महासचिव झलनाथ खनालले जानकारी गराए ।

तीन दलको छलफलले जेठ १५ गते गणतन्त्र कार्यन्वयनको प्रस्ताव संविधानसभा सचिवालयमा मन्त्रीपरिषदले दर्ता गर्ने तथा १५ गते नै प्रस्ताव संविधानसभा बैठकमा पेस गरी पारित गर्ने सहमति पनि गरेको छ ।

त्यस्तै गणतन्त्र कार्यन्वयनको अवसरमा जेठ १५ गते देखि सबै कार्यालय तीन दिनका लागि बिदा गर्ने सहमति भएको छ ।