एकलौटी सरकार गठन गर्न जनादेश छैन : खनाल

नेकपा एमालेका महासचिव झलनाथ खनालले एकलौटी सरकार गठन गर्न जनादेश नभएकाले नेकपा माओवादीले सरकारको नेतृत्व गर्नु पर्ने र सबैसँग मिलेर जानु पर्ने बताएका छन् ।

आज हेटौंडा पुगेका महासचिव खनालले नेकपा एमाले, माओवादी र काग्रेसको सहकार्य भएमा मात्र नेपाली जनताले चाहेजस्तो संविधान लेख्न सकिने दाबी गरे । उनले सरकार गठनमा नेपाली कांग्रेसले ढिलासुस्ती गरिरहेका आरोप लगाए ।

जनताले देशभरबाट कम्युनिष्टलाई बढी जिताएकोले नेकपा एमाले र माओवादी सहकार्य गरेमात्र जनादेशको पालना हुने बताउँदै खनालले एमालेसँग सहकार्य नगरि नेकपा माओवादी एक्लै अगाडि बढ्न खोजेमा दुर्घटना हुने चेतावनी समेत दिएका छन् ।