नेपालको लज्जास्पद हार

आईसीसी यू-१९ विश्वकप क्रिकेटको प्लेट च्याम्पियनसिप उपाधि  जित्ने नेपालको सपना समाप्त भएको छ ।

मलेशियाको क्वाललम्पूरमा आज सम्पन्न फाईनल खेलमा नेपालले वेस्ट-इन्डिजसँग ७ विकेटको लज्जास्पद हार बेहोरेको छ । पहिले व्याटिङमा ओर्लिएको नेपालले २६ ओभरमा अल आउट हुँदै ७४ रनमात्र जोड्न सक्यो । नेपाली व्याट्सम्यानहरु वेस्ट-इन्डिजका बलरहरु सामु निरिह सावित भए ।

प्रत्युत्तरमा व्याटिङमा ओर्लिएको वेस्ट-इन्डिजले मात्र ३ विकेटको क्षेतिमा विजय लक्ष्य पार गरे ।  फाईनल खेल वर्षका कारण २७ ओभरमा घटाईएको थियो ।

यसअघि सन् २००६ मा नेपालले कनिष्क चौगाईंको नेतृत्वमा प्लेट च्याम्पियनसिप उपाधि जितेको थियो । समग्र नेपाली क्रिकेट इतिहासमै त्यसलाई सर्वाधिक ठूलो उपलब्धि मानिएको छ ।