Introduction

क) पृष्ठभूमि

व्यस्तता र व्यग्रताको सम्बन्ध भित्र आफ्नो अलग्गै पहिचान समेटी बुद्धिमय भएको मानव सभ्यताले युगको विकास क्रमसँगै साङ्केतिक प्रस्तुतिहरु प्रष्फुटन भई भाषिक अलङ्कार शव्द प्रयोग सम्मको फड्को मार्दा सञ्चारको परिभाषाले पूर्णता पाएको भेटिन्छ । अभिवादनमा हुने टाउको हल्लाई देखि Dedication का SMS सम्मको यात्राले सञ्चारलाई भूगोल बाहिरको परिधीमा पूर्याईसकेको छ । संसारको हरेक घटनाक्रमबाट अछुतो रहन नसकेको नेपाली समाज गुन्द्रुक र ढिंडो खाएरै भएपनि प्रविधिमा Jazz Music को आनन्द लिने भैसकेको छ ।

 रेडियो नेपालको स्वर्ण इतिहास आजको दुनियाको उत्साह हो । अन्यौलको भिडभित्र हराएको दुधे बालकको भिड भित्रै केश फुल्दा पनि अन्योलमै रहेको अवस्था भोगिरहेको प्रविधीमा एक नौलो आयाम जरुरी देखिएको छ । खिचडी संसारबाट लक्षित वर्ग समेट्न नसक्नु लोकप्रियता ह्रासका कारक हुन् । अझ युवाहरुको लक्षित नेतृत्व लिने आँट आजसम्म यस क्षेत्रमा कसैबाट नहुनु हामी युवा सोच माथिको दमन हो ।

छरिएर रहेका युवा उर्जालाई समन्वय गर्ने उचित सञ्जालको अभाव आज खड्किएको छ । यूवा वर्गलाई उचित मार्ग निर्देश गर्ने कोशिस तथा यसबाट हुनजाने उर्जालाई सुनौलो संस्था, समाज, गाउँ, नगर र पूरै देश साथै भूगोल भित्रै अस्तित्वको स्थापना गर्न सारा युवा आवाज बोकेर विद्युतीय सञ्चार माध्यममा युवा नेतृत्व लिंदै  हामी प्रस्तुत भएका छौं ।

छोटा तथ्याङ्कहरु:

प्रसारण सुनिने जिल्लाहरु :
      काठमाडौ, ललितपुर, भक्तपुर, रसुवा, धादिङ्ग, सिन्धुपाल्चोक, काभ्रेपलान्चोक, नुवाकोट, दोलखा, रामेछाप, सोलुखुम्बो, सिन्धुली, धनुषा, सर्लाहि, महोत्तरी, वारा, पर्सा, चितवन नवलपरासी मकावनपुर, गोरखा, ओखलढुङ्गा, तनहुँ, लमजुङ्ग सिराहा माथिका सबै जिल्लामा पुर्ण रुपले सुनिने भनिएको भने होईन केहि जिल्लाहरुमा राम्रो र धेरै स्थानहरुमा सुनिन सक्ने छ भने केहि जिल्लामा थोरै स्थानमा र राम्रो नसुनिने जिल्ला पनि यहाँ परेका छन् ।

समेटिएको जनसंख्याहरु:
   माथि उल्लेखीत जिल्लाहरुमा औसत ८० प्रतिसत जनसंख्याले हाम्रो एफ.एम. सुन्दछन् भन्ने हामीले विश्वास लिएका छौ ।

लक्षित समुह:
  यूवा तथा यूवती र विपन्न वर्ग र परिवारहरु, सामाजिक कार्यकर्ताहरु ।

विस्तार गरिने लक्ष्य:
०६४-०६५ सिन्धुपाल्चोक जिल्लामा स्टेसन स्थापन गरेको

०६५-०६६ पोखरा र नेपालगन्ज स्टेसन स्थापना गरेको

०६६-०६७ भेडेटार, चितवन र विरगञ्जमा स्टेसन स्थापना गर्दै

०६७-०६८ मुस्ताङ्ग , डोटी स्टेशन स्थापना गर्दै र YOUTH BULLETINE  समेत ल्याउने ।

तिन बर्षे प्रगती:

•  करिव ४५ प्रतिसत यूवा स्रोताहरु बृद्धि भएको ।
•  कार्यक्रम स्पोन्सर गर्नेहरुको संख्यामा बृधि भएको ।
•  कार्यक्रमको गुणस्तरमा बृधि भएको ।
•  यूवाहरु विच लोकप्रिय बन्दै गएको ।
•  कलेज विद्यार्थिहरुमा विकृती र विसंगतिका वारेमा खुल्ला छलफल गर्न थालेको ।
•  यूवा बर्ग विषेशत कलेज विद्यार्थिहरु संगठित हुन थालेको र कार्यक्रम नै सन्चालन गर्न थालेको । 

मिडिया पार्टनर:
नयाँ पत्रिका, हिमालिनी, राजधानी, अन्नपुर्ण पोष्ट, पिस साप्ताहिक, सिन्धुसन्देस, कारोबार, सिन्धुज्वाला, सिन्धुपोष्ट, स्पोट नेपाल, लालित्य नेपाल, सिनेस्टार, नव समय, प्रलय राष्ट्रिय मासिक ।